منتدى مدرسة اشبيلية المتوسطة بحائل
كل عام وانت يا غير مسجل وأسرتك الكريمة فى صحة وسعادة، المنتدي عمل جماعى يسعدنا مشاركتكم وتفاعلكم. اذا كنت مشترك جديد سيتم تفعيل عضويتك خلال 24 ساعة والله الموفق

الشاعر محمد بن فطيس

استعرض الموضوع السابق استعرض الموضوع التالي اذهب الى الأسفل

الشاعر محمد بن فطيس

مُساهمة  حمد المسطح في الإثنين مايو 31, 2010 5:15 am

مانيب من ياتي ولا يدرابه
شطر حفظته ماعرف كتابه

شطر يناسبني لمثل الليله
واشوفني في ذالمكان اولى به

ابتكل بالله ونعم بالله
اللي مايوصد دون خلقه بابه

باقول واللجنه تقيم قولي
ومن كثرت الشعار ماني آبه

الحمد لله واثق(ن) من روحي
وان كنت ذيب فالرجال ذيابه

ما اقول انا اشعر واحد فالدنيا
لكن قصيدي كفو وانا ادرابه

الشعر جمعنا لو تفرقنا
حدودنا وظروفنا الغلابه

الله يبيض وجه راعي الفكره
عز الله انها تنحسب لحسابه

والله يبيض وجه من يرعاها
محمد الله يحفظه لاحبابه

محمد ولد زايد عريب المجنى
ولي عهد الديره الخلابه

الشعر تاريخ(ن) لنا من مبطي
واعلامنا يوم السنين نهابه

الشعر بيت(ن) والوزن عمدانه
معناه طنب وقافيته حجابه

الشعر واد فيه صيد(ن) واجد
وكل على الوادي يهج ركابه

والافكار صيد وكل شاعر قانص
وكلن يدسم شاربه مخلابه

احد(ن) خياله حر واحد(ن) وكري
واحد(ن) خياله كوبجن بقطابه

وانا خيالي كل ماهديته
حول على الوادي وصاد عقابه

شاركت امثل ديرتي وربوعي
وكلن يمثلن ديرته واقرابه

والله الا الله راد والله قاله
اني لسلمها الفخر وكتابه

داري قطر وانا اهنا امثلها
المجد مطلوبي وانا طلابه

عهد علي اني لشرف داري
ترك صبي ما يعز ترابه

شوفوا دمي من حبها عنابي
وحماستي من ضووها شبابه

شاعر خليجي والعروبه بيتي
والبيت ماياقف بدون اطنابه

وان عودت بين القبايل فزعه
انا اشهد ان لي فاللوازم لابه

لي فالقبايل ربع واقدرهم
ماني بمن يجهل مقام اصحابه

وان عودت لاصلي فانا اصلي مري
من صلب يام اهل القنا وخضابه

قوم لنا فوق المعالي بيرق
والسيف قوة سلته بانصابه

الشعر طوقني وانا طوقته
قمت اتمشابه وفك ابوابه

يابنت ياللي تفرقين بعودش
مالومهم لاكثروا الخطابه

لامر بش دربش على خلق الله
قالوا كذا بالاصبع السبابه

زينش يزينه فعل ابيش وجدش
وانتي بدورش للنقا كسابه

قومي تباهيبي وفلي راسش
عليش من ستر الشرف جلبابه

وان ماسترتش بالفعول وباسمي
فعقبني الفنجال ياصبابه
avatar
حمد المسطح

المساهمات : 45
تاريخ التسجيل : 30/05/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الشاعر محمد بن فطيس

مُساهمة  عبدالعزيز الزبن في الأربعاء يونيو 02, 2010 2:55 pm

وان ماسترتش بالفعول وباسمي
فعقبني الفنجال ياصبابه
_________________
كفو والله يابعدي يابن فطيس
لاهنت شيخ الضفادع على الابيآت Shocked
avatar
عبدالعزيز الزبن
مشرف القسم الأدبي

المساهمات : 97
تاريخ التسجيل : 17/05/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الشاعر محمد بن فطيس

مُساهمة  حمد المسطح في الخميس يونيو 03, 2010 7:26 am

الله يعافيك ومشكووووووووور على المرور يابوتركي


تحياتي
avatar
حمد المسطح

المساهمات : 45
تاريخ التسجيل : 30/05/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى