قصيده لجميع قبائل المملكه

العزام 2010 الأربعاء مايو 26, 2010 6:51 am

يا لله يا خالق أراضين و بحار .. الواحد المعبود رازق عبيده

الخالق الغفار علام الأسرار .. وفرق شعوب الأرض في كل يده

وابدي و اسولف من عذيبات الأشعار .. أبيات شعر والمعاني وكيده

اشري و أبيع واعرف كيف بختار .. واختار من جزل البيوت الفريدة

وذكر تراث وعز و أمجاد و أفخار .. قبائل تومن بدين وعقيدة

وصلت حضارتنا على سطح الأقمار .. ابنا الجزر والجزيرة مجيده

في ظل حكام لهم فعل واشوار .. آل السعود اللي تفك الضهيدة

نسل الزعيم الحاكم العادل البار .. مجدد أمجاد الجزيرة بجيده

حتى أصبحت حرة وحنا له أنصار .. في ظل اخو نوره هنوف سعيدة

وصارت لأبو تركي بطوله وتذكار .. والفخر و الأمجاد تبقى شهيدة

وخلف لنا أملوك لهم فعل وأخبار .. الشعب واحد والقيادة رشيدة

والأمن بانينه على ساس وجدار .. وقرو على العابث عقوبة شديدة

وحنا حماة الدار من كل غدار .. وما همنا بطشه وخبثه وكيده

قبائل ما لحقناهم اوعار .. وعشنا بهذي الدار عيشه رغيدة

والحمد لله نحمده سر و أجهار .. شعب تكاتف من سنين مديدة

ودون الوطن جيش على كل معبار .. لأرفرف البيرق ونادي عقيدة

بشرق البلاد وغربها دوم حضار .. وارض الشمال اللي نفوده مديدة

ارض الجنوب اللي تخيضر بالأشجار .. جزيرة فيها القبايل عديدة

ارض بها قحطان وافين الأشبار .. ويا عز منهم بالشدايد بسيده

واذكر عتيبة يوم للطيب مغوار .. لا ثارت الهيجا وقرب ضديده

وشمر هل الطولات والجود مقدار .. أهل الكرم وأهل الفعول الحميدة

قوم أعنزه مروين الاخصام الامرار .. أولاد وآيل من عصور عهيده

ومطير قوم تكرم الضيف لا زرار .. ويا ويل خصم في حراهم وعيده

واذكر قبيلة حرب يا نعم الأخيار .. وتاريخهم يحكي سطور مجيده

و سبيع نعم القوم ووجيه الأسفار .. زبن الدخيل ليا زبن من طريدة

واذكر قبيلة يام والطيب يندار .. أهل العلوم الوافية والرشيدة

ثم الدواسر تجعل الخصم منهار .. عيال زايد عز منهم سنيده

ثم السهول اللي لها الطيب مدرار .. وعن منهج العادات ما هي محيده

ثم اذكر العجمان حماية الجار .. و المرجله والجاه فيهم عتيدة

واذكر بني مره طويلين الأعمار .. ما ينقد المري ولا له نقيده

ثم الهواجر لابة تقدح النار .. أهل الركاب اللي خطاها بعيده

واذكر بني خالد قبيلة وأمار .. قوم لهم في المجد قول ورصيده

وبني تميم اللي لها الطيب مصدار .. بني تميم وكل فعل تجيده

ثم الزعوب اللي بها الخصم يحتار .. شجعان ما ترضى سوا ما تريده

العازمي وافي وفي الطيب بيطار .. روحه على كل المصاعب صميده

ثم الظفيري في المصاعيب جبار .. والطيب والامداح بأصله وطيدة

ثم اذكر الأشراف بجلال وإكبار .. أهل الحجاز اللي تفك الزهيدة

ثم الهذيلي له مواقف و مندار .. راعي الفخر راعي العلوم السديدة

ثم البقوم اللي لهم جيش وامهار .. ريف الضيوف ليا لفاهم وليده

واذكر ثقيف اللي لهم مجد وآثار .. ومهما حسبنا من كلام نعيده

وبلحارث أهل العز بشهود وإقرار .. ا لحارثي يا طيب فعله وجيده

والمالكي معروف لا صار ما صار .. في موقف أهل الطيب يبذل جهيدة

واثني تحياتي عدد وبل الأمطار .. على سليم وكل خصم تكيده

واذكر جهينة هل مواقف وادوار .. تلقى الجهيني راسم الطيب بيده

اذكر بلي و المجدله فعل و إظهار .. وتاريخهم يحكي فعول فريدة

بني عطية في المواجيب حضار .. قوم بوقت الجد قوم عنيده

ثم الحويطي والكرامة له أشعار .. ثم الشراري له فعول مفيدة

ثم الرشيدي في الصعيبات صبار .. على علوم الطيب فعله يزيده

وباقي جنوب الدار والقاف ما دار .. باقي على قلبي كلام وأشيده

زهران نعم القوم في وقت الإضرار .. والخصم عينه من لقاها سهيده

و الغامدي معروف له عزم وإصرار .. راعي المراجل والعلوم المفيدة

وشمران قوم و الجمايل لها أطوار .. و بلقرن سم للقلوب النكيده

والاكلبي والمحلفي ما بعد بار .. و الحارثي طيبه وفعله يشيده

وبني شهر وبني عمر سيف بتار .. قوم على الاخصام نار وقيده

و الاسمري و الاحمري صيتهم سار .. بين القبايل والمواقف شهيدة

واذكر عسير الهول ذربين الأذكار .. وأبها أحتموها فالسنين الشديدة

وادهم والصيعر على حد الأقطار .. يحمون حد الدار من اللي يريده

وامشي مع الساحل مع جمله أفكار .. رسمتها والطير زان تغريده

وانزل على جيزان تاريخ وأديار .. ورجال فيفا والقبايل عديدة

ارجوا العذر وأهل المواجيب عذار .. اللي نسيته ما نذكر في القصيدة

الواهبي عدد أبيوته بالأدوار .. من شاعر ما شل قلبه حقيده

شهران ربعي هم هل المدح والكار .. و أهل الكند و أهل السيوف الجديدة

يوم البلد ما يا من الزند لا ثار .. عزيز ومنا ابن مشيط نعم الوليدة

فالجهل شجعان وفي السلم تجار .. من بطن بيشه للتهم لا رفيده

حبيت أبين موقفي بين شعار .. وارجوا سموحتكم على ذا النشيده

ما حب أنافق و اتعنصر تعنصار .. ولا ني باطيع أهل العقول البليدة

ما كل من طب البحر قيل بحار .. وما كل من شل الفشق جاب صيده

فالشعر بستان به ورد وأزهار .. واللي تعداها بيوته فقيده

وأقولها في الشعر تكرار وامرار .. ضرف بلا عنوان يلغى بريده

بعض السوالف مواقف ومحضار .. وشعر بلا معنى لزوم نبيده

تحياتي لكم